يا مجبل يوم وليله من مصر للصعيد وشايل الف عيله والدنيا ف جو عيد شايل معاك أماني وأبسط شكل لأغاني وناس مش راجعه تاني إلا ف يوم الوعيد يا مجبل يوم وليله من مصر للصعيد عربياتك فجيره وركابك غلابه وعيون مليانه حيره وسؤال مالهوش إجابه والعيد داخل عليهم و مروحين بعيد يا مجبل يوم وليله من مصر للصعيد جمعوا فرحه قليله وإيدين ما فيهاشي حيله و حمول والله تَجيله تشيب شعر الوليد يا مجبل يوم وليله من مصر للصعيد حمول مافيهاش هدايا دي حمول من الهموم الستر فيها غايه والثانيه بألف يوم شايلاها جلوب بسيطه ياللي جلبك حديد يا مجبل يوم وليله من مصر للصعيد يا بهيه دواكي فيكي ورجالك مش قليل وإن طال الليل عليكي.. مايطولشي عليكي ليل بكره السعد يوافيكي والفجر أبو يوم جديد يا مجبل يوم وليله من مصر للصعيد رؤوف أباظه مصر6