صرخ ابو احمد بوجه ابو ماجد وحد الله يا رجل الدنيا لسا بخير خليك عاقل وبلاش تتهور، يا ابو احمد كيف بدي اصبر يعني لانه الواحد عايش في هذا البلد مكتوب عليه يتحمل ويأكل….. طول عمره. يا صديقي والله الواحد بده يطلع عن دينه يعني خليني اقول لك واذكرك، ماجد في الجامعة مش بده مصروف يومي واقساط جامعة واجرة سكن في الجامعة الامريكية في جنين، وبيسان مش بدها مصروف للجامعة في نابلس الله يرضي عليها مصروفها قليل لان الجامعة قريبة علي البيت، وام ماجد مش بدها مصروف للبيت والله الواحد مش عارف كيف يتصرف يعني ام ماجد باعت ذهباتها وتداينت من اختها اللي جوزها بشتغل في الوكالة، وبعدين يعني ممكن نتحمل شهر شهرين ثلاثة بس اكثر من هيك بدون راتب والله الوضع صعب يا ابو احمد خلصني هي فلسطين للفلسطينية فقط.
يا ابو ماجد خليني اقول لك شيئا واحدا فقط، بدي احكي لك عن الجبل الشمالي كيف تصرفوا (الجبل الشمالي حي من احياء نابلس الكبيرة) شوف يا سيدي القصة لعشان تعرف انا لسا الدنيا بخير. وجهاء الحي اتفقوا فيما بينهم علي ان يقوموا بجمع الاموال من سكان الحي المقتدرين بشكل غير مشروط اي ان يقوم كل شخص لديه قدرة بالمساهمة في صندوق للحي باي قيمة يراها مناسبة مثل ابو ادهم صاحب شركة كمبيوتر. يضع في الصندوق مبلغ ثلاثة الآلف دولار وابو سعيد صاحب سوبر ماركت يضع الف دولار وهكذا حتي جمعوا مبلغا كبيرا جداً، ومن ثم قاموا بتشكيل لجنة صرف لهذا الاموال بحيث يتقدم كل شخص محتاج (موظف) بطلب ان يقوم بالحصول علي قرض من الصندوق بدون مقابل، يعني معلم الرياضيات طلب قرض الف دولار من الصندوق وحصل عليها وذلك بشرك ان يقوم بارجاع المبلغ لحظة تمكنه وحصوله علي راتبه وهكذا يقوم الصندوق بصرف مبالغ لاي موظف محتاج مقابل الثقة فقط ولن تكون هنالك اوراق ثبوتية او كفلاء او ضمانات.
هيك يا ابو ماجد اهل الخير بالجبل الشمالي ساعدوا الموظفين المحتاجين في الحي بدون ما يجعلوا اي شخص يتوجه للحصول علي قرض من مصادر اخري او ان يقوم بتنفيذ امور بدون قناعة، والله يا ابو احمد الواحد يشعر بهذا التصرف بتفاؤل ويشعر فعلاً انه الدنيا لسا بخير. مهند الرابي فلسطين المحتلة6