لندن – ” القدس العربي ” : شن الممثل السوري سامر كحلاوي هجوماُ على مخرج مسلسل “الهيبة” السوري سامر البرقاوي بعدما اتهمه في إحدى الحوارت الصحافية بأنه لم يطور أداءه التمثيلي، وان الفرص التي منحه إياها لم يستغلها بشكل جيد.
حيث نشر كحلاوي صورة عبر حسابه الخاص على انستغرام وعلق عليها : “حابب خبرك يا سيد سامر برقاوي وكمان حتى الناس تعرف الحقيقة…حضرتك عطيتني شخصية الدب و هو عالورق كومبارس وليس دور (بعلم التمثيل شخصية الدب المكتوبة على الورق تسمى شبه دور لأنها غير واضحة الملامح والتفاصيل ولا تسمى دور)”.
وتابع : “بجهدي و تعبي عملت من شبه الدور دور و بطل والناس حبتو و حكت فيه بحمد الله متل كل الأدوار الأولى… ف لا تقول أنك عطيتني فرصة الله يرضى عليك…و هالشي اللي صار بالجزء الأول خلاكن تتفاجئوا كلكن وتقولوا لحالكن مين هال سامر كحلاوي ليقدر يعمل دور بطل من شبه دور مكتوب عالورق كومبارس…وما حبيتوا فكرة إني أسرق ضو من أبطال العمل ومن ناس حضرتكن عم تصنعوهن ليصيروا نجوم…ف قررتوا تتآمروا علي بالجزء التاني بهدف أنكن تحرقوني وعملتوا اللي عملتوه من تهميش مقصود للشخصية ومن حذف لمشاهد أنا مصورها”.