القاهرة – «القدس العربي»: هاجم الرئيس المصري عبد الفتاح السيسي فيلم «الإرهاب والكباب» واتهمه بأنه وضع المواطن في خصومه مع الدولة، مشيرا إلى أن المواطن حين حول الدولة لخصم «هدها» وذلك خلال تعليقه على الوضع في الشارع المصري خلال ثورة يناير/كانون الثاني 2011.
وقال في كلمته خلال إطلاق فعالية تنمية الأسرة المصرية: «بدل ما تجيب فيلم الإرهاب والكباب» وبتجيب المواطن بيشكي وخلي البلد خصم، ومخلاش السلبية خصم، إنت مفروض تخلي السلبية خصم، المواطن اللي مش شغال هو الخصم، البلد مش خصم، لما حولتها لخصم 2011 هدوها ولولا فضل الله علينا بلادنا مكنتش قامت تاني. اللي بيروح بيروح ميرجعش، ولكن الله أفاض علينا، هل هنفضل زي ما إحنا كده؟».
وقال السيسي: «أنا بقابل الناس في الشارع ومنهم سيدة مصرية، اللي قالت أنا زعلانة منك أنا عندي 6 عيال. طب أنا أعمل إيه؟ أنا عندي 100 مليون، أعمل إيه؟ فانتي عندك 6 ومش قادرة، بقول كده لكل اللي سمعنا واللي بيقول إنتوا ليه مش بتدوا حقوق للناس، حقوق إيه أنا مش لاقي أكل، ولا عارف أعلم، ولا أعالج، ولا أسكن، اللي عايز يشوف يروح المرج والخصوص وشوفوا أنا بشوف إيه لما بنزل اللي ممكن مش بيتذاع، أنا بقول لكل المسؤوليين اللي في الجامعة، الإعلام، الصحة، التعليم، الجامع الكنيسية، انزلوا شوفوا البلد عاملة إزاي حقيقية، انزلوا المرج والمطرية، وشوفوا بنفسكم».
هذا الحديث أثار ضجة على مواقع التواصل الاجتماعي، وقلقا على مستقبل الفن المصري، لأنه يشير إلى منع أي أعمال من شأنها انتقاد ممارسات الدولة.