أبو حامد يقول ان هنية لا يجوز له أن يتوجه للحج هذه السنة ومن الممكن أن لا تقبل حجته، وبالطبع لم يلبث أن أنهي كلامه حتي صاح بوجهه معظم الجالسين في القهوة وبصوت مرتفع هذا لا يجوز يا أبو حامد سامحك الله كيف لك أن تقول انه لن تقبل حجته فهو رجل دين ورمز وقائد ومن أنت حتي تحدد هل تقبل حجته أم لا؟ والله يا أبو حامد كلامك غير منطقي ولا يجوز لك أن تتمادي لهذا الحد، يعني أبو حامد تورط ورطة كبيرة مع الجميع. أبو حامد وبكل هدوء قال يا جماعة بالله عليكم أول شيء صلوا علي النبي ثاني شيء يعني الرجل مش نبي والكل يغلط وهنية مثله مثل كل السياسيين يبرر لنفسه وينتقد الآخرين.
وليش يعني بدها تقبل حجته أول شيء الشعب الفلسطيني يمر بأصعب وقت ومش معقول يكون رئيس الوزراء في هذه الأيام بالخارج يعني كيف الموظفين بدهم يقبضوا رواتبهم كيف بدهم يجهزوا للعيد؟ مش معقول يا جماعة والله الناس أوضاعهم صعبة يعني مش لأنه قائد كبير في حماس ما بنقدر ننتقده، خلينا نفرغ اللي بداخلنا يعني ما بطلعلنا حتي نحكي وننتقد. يا جماعة المهم نتابع اللي يحدث في البلد يعني كل يوم بنسمع خبر شكل مرة الحكومة قادمة خلال أيام وبعد أيام تم تأجيل الإعلان عن حومة الوحدة ومرة ثانية بنسمع التنفيذية تنتقد حماس وبعد يوم وزير بنتقد الرئيس وبغلط عليه واليوم إللي بعده يعتذر الناطق باسم الحكومة والله يا جماعة إنتقادي لرئيس الوزراء مش تبلي يعني احنا بحاجة للرجل هذه الأيام. أجاب أبو محمد أسمعوا يا جماعة مع أنه أبو حامد فتحاوي بس كلامه معقول وأنا بقول أنا من أشد المؤيدين لحماس وللحكومة بس الحكي المنطقي أنه لازم يكون في حل يعني ما بجوز التهرب من المسؤوليات. والتوجه لمكان آخر الموضوع ضروري جداً والناس تعبانة كثير ولازم تحصل علي رواتب وتعود الحياة مثل ما كانت بس بدون ما نفرط بالثوابت يعني نتنازل شوي ونحل المشكلة شو رأيكم يا جماعة. ووجود رئيس الوزراء هنية في الخارج مش من الأولويات وكما في شي مهم كثير مشعل في الخارج ومعاه فريق كبير وباستطاعتهم يجيبوا فلوس ويحلوا المشاكل الخارجية. تناول الكلام أبو حامد وقال والله هذا الحكي عين العقل وخصوصاً إنه من قلب الحدث يعني من حماس علي كل حال الموضوع صار وهنية توجه للخارج وراح يحج والأيام بتمر مش مهم الله يوفقه في حجته. وإن شاء الله يجبلنا شوية فلوس تساعد الناس ويجيبلنا تمويل مدينة رياضية في غزة ويكون تدلل مثل رؤساء الوزراء في الدول العربية لما بكونوا في مهام عمل خارجية يا جماعة بدنا حل بعد رجوع هنية أنا ما بعرف كيف الأمور بدها تستمر أكثر من هيك يعني أخر كلمة وبديش أسمع أي تعليق بنعطي فرصة لغاية 15/1/2007. مهند الرابي نابلس ـ فلسطين المحتلة6